串燒屋

营业中

休息中

話說早排同狗狗去打防疫針時，見到對面有間串燒放題小店，係任飲任食都好似唔錯，不過當日帶住狗狗就唔方便入去，所以就bookmark左佢，諗住有機會就去食返餐。剛好今日老公又OT，兩個人又懶懶地唔想煮，所以….就嚟啦！餐廳環境都好寬敞，最好就係冇一般串燒店嘅煙燻燻感覺，所以坐得都係舒服嘅。餐廳主要係以串燒、網燒同埋炸物，食物就以QR code 落單另外有兩個大雪糕擺放啲前菜、菜類燒物、啫喱、汽水同埋啤酒，同埋店主自定家制嘅健康飲品。先嚟食咗啲前菜開開胃然後就起動了食大餐，最好嘅就一定係個串燒，因為放上個架度就會自動轉嘅(大鄉里嘅我都係第一次玩)，串燒爐都夠熱，所以啲食物都好快就可以燒熟，而又唔會太燒燶又或者燒到啲肉好乾，所以係唔錯嘅。我地order左一堆串燒同埋網燒肉，基本上啲食材都好新鮮，而且份量嘅大小剛剛好，我地來來回回都唔知叫左幾多轉，西冷、牛助條、牛舌、豬柳肉、多春魚、蝦、青口同埋唔同種類嘅丸，真係食到我地唔停得口。最大驚喜就一定係個烤蠔，首先好少任飲任食嘅地方有蠔，二嚟係完全冇諗過個完隻肥嘟嘟咁上，而且佢仲係好新鮮，入口超鮮甜，勁鐘意呀！另一驚喜就係有我最鐘意嘅燒菠蘿同棉花糖，見