今次揀咗火鍋餐Set C，可以任食雞煲加無限牛小排、牛板鍵、豚肉同羊肉片，重點係炸物、雪糕、甜品、飲品同啤酒都任食任飲！
25
我地二人被安排坐四人卡位，坐得非常舒適，而且有兩個爐，一邊放火鍋，另一邊就放雞煲。
雞煲使用了新鮮的雞肉同多種香料慢火煮製而成。由於雞肉一早已經煮熟，所以加熱五分鐘左右就食得。味道方面，雞肉鮮嫩多汁，加埋各種香料的結合，讓每一口都充滿了層次感，而且煲內加入了葱同芫茜等，令成個雞煲特別惹味。雖然我地揀咗唔辣，但味道一樣濃郁，唔需要加任何醬料，味道已經非常出色。
1
而椰子火鍋係呢間餐廳的另一個驚喜。整個火鍋使用了新鮮椰子作為湯底，一煲熱就聞到陣陣的椰香味。放火鍋材料前我都鍾意先飲下個湯底，味道非常清甜，令我忍唔住飲咗兩碗湯底 ！
火鍋食材方面，我最鍾意牛小排，每一塊牛肉質鮮嫩，入口即溶，食完仲有淡淡既牛肉香味停留口內。
而朋友就鍾意食牛丸，食落爽口彈牙，而且非常多汁，第一口咬開時仲唔小心爆左d肉汁出來！
至於其他火鍋的食材都非常新鮮，無論是海鮮還是肉類，都非常高質，加上清甜既椰子湯底，每一口都感受到椰子的自然甘甜，讓整體味道更加豐富。
甜品方面，非常推介雪糕窩夫，窩夫即叫即整，食落非常脆口，完全拍得住出面甜品店的質素，所以我同朋友都不停叫咗幾次雪糕窩夫！
呢間餐廳環境舒適，食物選擇多，加上價錢唔貴，如果有家人朋友生日，仲有額外優惠，下次一定會再來！
