胡爐 (已結業)

又開餐啦！真係好鍾意打邊爐，經朋友推介選任飲任食火鍋就黎左胡爐，因為真係又平又正！
一開始好有驚喜，送左麵包蟹，超多膏呀！正！

我地先選雞煲，雞夠晒入味，份量都好夠食。食完雞煲，加湯打邊爐啦！呢度既肉拼盤真係勁正，牛肉質地又好，唔會有太多肥膏，豚肉都好高質！
仲有海鮮拼盤，勁勁勁新鮮海蝦，肉質仲彈牙，仲有鮑魚、扇貝、大花甲！好抵食！仲有大量野任叫，呢度既丸好高質！係手打丸，好新鮮夠味！
任食邊爐呢度真係好抵！最後食到好飽☺️👍🏻👍🏻下次一定再黎！