新南苑私房菜 (已結業)

雖然叫私房菜但原來呢度有任食套餐提供🤣 餐廳位於尖沙嘴嘅萬事昌廣場，主打招牌麻辣雞煲同火鍋，有成150分鐘俾大家同朋友仔邊傾邊食，環境闊落，坐得又舒服，爽呀！招牌麻辣雞煲/麻辣鴨血毛血旺/金湯酸菜魚三選一，有辣有唔辣，雞煲上枱時吱吱聲，未食已經流晒口水，隔幾分鐘就要撈一次，然後冚蓋煮，重複2-3次，整個過程大概7-8分鐘就完成啦～ 雞件有大有細，肉質超級嫩滑而且食落十分惹味，仲有香脆可口嘅油炸鬼、少量洋蔥同蔥，味道出乎意料之外地正，會話已經將呢間列為top3好食雞煲了hehe🤤刺身拼盤有基本嘅三文魚、北寄貝、八爪魚、蟹柳、白肉魚生、赤蝦等，相對嚟講就正常發揮，都係建議留肚食其他嘢～ 而火鍋就有八款湯底，見到menu上有個可愛嘅公仔造型就毫不猶豫揀咗呢款南瓜公仔蜆口味！湯底雪成minion，店員加湯後望住佢溶化真係好殘忍... 帶點甜味，飲落都幾清～ 火鍋配料有成30幾款，個人推介灌湯小籠包、芝心丸、鮮蝦雲吞、響鈴同炸魚皮，估唔到小籠包真係會爆汁、芝心丸同雲吞餡料滿滿、響鈴裏面竟然仲包住紫菜、炸魚皮都幾脆而且夠大塊！可惜太飽唔係嘅話一定會叫埋韓國芝士麵呀😵飲品方面都有幾多選擇，大部份嚟自