二鍋頭 (好運中心)

营业中

休息中

平時同朋友出去食飯，唔知食乜好嘅時候就多數會提議打邊爐，如果覺得打邊爐太單調嘅話，就可以試吓今次介紹嘅《二鍋頭》。餐廳主打120分鐘火鍋放題。🌟二鍋頭惹味雞煲/火焰鴛鴦鴨煲/黑椒豬手煲雞煲就成日見，鴨煲就真係好少地方可以食到。首先店員會倒入料酒，然後會即席用火槍點火，見到熊熊烈火真係充滿視覺效果。鴨肉充滿淡淡的酒香，而且鴨肉嫩滑又多汁。試完鴨煲，貪心嘅我當然唔會俾佢就咁停。我就叫店員俾埋個二鍋頭惹味雞煲，醬汁好濃郁，有少少辣辣地都幾過癮。🌟嚴選安格斯牛 $268食完雞煲，之後就到咗正式打邊爐嘅時間。咁我就選咗安格斯牛嘅套餐，首先每一款牛肉都試吓。安格斯牛板腱、安格斯封門柳、美國牛胸腹、本地鮮滑牛，每一款牛肉油花都好靚，我自己就最鍾意食封門柳，因為肉味非常濃郁。試完肉類，亦都可以試埋海鮮、丸類同埋蔬菜，有多達100款配料任飲任食，食完真係好滿足。