鋒哥廚房 (已結業)

鋒哥廚房係元朗御庭居地下，好易搵，餐廳裝修有啲心思，牆上掛佐啲霓虹燈牌✨今日黎食$288一位既雞煲放題，勁多野食，打完風咁凍黎食就岩晒🌬️陳年花雕醉雞煲🐓呢個係第一個雞煲，一次性既，但都好足夠，啲雞好香花雕味，一上枱就聞到濃濃既酒香，雞肉唔會好鞋，仲好嫩滑，又有酒味，超好食！麻辣雞煲🐔呢個就係任食既，食到唔想食先食火鍋，超滿足！麻辣味十足，衝擊味蕾🤯愈食愈麻，啲辣味一路食一路出黎，雞肉又係好滑好腍，超正！有營蕃茄薯仔湯火鍋雞煲我地食佐兩轉就投降啦🙆🏻‍♀️轉食健康湯底既火鍋！蕃茄好多，湯底好鮮甜又酸酸地，超健康呀！火鍋配料任食既，海鮮都係任食🙊啲牛肉肉質好好，海鮮又夠新鮮鮮甜，啲蟶子同蟹勁鮮味囉！其他丸同菜果啲配料都好好食，正呀！