肉浦團火鍋放題 (已結業)

餓了很久。今日同男朋友午餐黎打邊爐，仲要食任食個隻😌。門口大大個教主棟係到🫶🏻，好難唔入去幫襯🤣。為左食牛小排同M5和牛🤣，所以揀左浦餐，盛惠每位$198。呢到上湯底同上牛肉既速度極快，完全無漏單，真係食盡90分鐘😜！藥膳醉雞湯底估唔到係咁多雞，仲要係雞髀位👍🏻藥材味都幾濃，雞好重紹興酒味，正！任食區超多選擇，菜都好幾款！仲有炸物😆，魚皮唔錯！牛肉首先會有份拼盤，個人比較喜歡牛頸脊、和牛牛肩胛同牛板腱，肉咪較濃而且唔太肥。鐘意食肥D既可以點牛小排同牛五花😆。呢款洛神花茶係無糖！又可以解膩，推介。最後以朱古力蛋卷做結尾，滿足。