一鍋堂 (XX Arcade) (已結業)

放工book 左枱同老友打邊爐吹水，即刻諗起一鍋堂，旺角呢間就最就腳。揀左c餐，貪佢有和牛🤑會員仲有帶子同鮑魚送。叫左c餐緊係狂叫日本和牛。雪花都幾靚。仲有西班牙依比利亞黑毛豬， 食落好鮮味，都比得上和牛既質感。另外仲有多款海鮮，蝦，蜆，扇貝，魚等等，都係十分新鮮。 自助區有各種既丸類，熟食， 冷盤飲品櫃有多款茶飲。養生飲品， 特別鍾意佢既黑枸杞玫瑰花茶，飲得好舒服。甜品有軟雪糕同杯裝雪糕，第一次食呢隻牌子既gelato, 7-11成日都見到，果然比雪糕更好食，而且比較低脂，朱古力似食緊真朱古力。每次食完都好滿足，期待下一次再約過。