影片
更多
2019-03-26
17 浏览
Babe 搵到新工，第一次出糧就話要請我食餐鐵板燒放題，放題我就成日食，鐵板燒都有放題就第一次啦！鉄人大盛 餐廳在格蘭中心地庫，平時行過真係會睇漏眼，落到地庫原來另有天地，環境落落大方，我哋仲安排到坐鐵板吧枱，可以望住師傅展示一下身手晚市鐡板燒放題任食都係三百幾蚊，大概可以食2小時，我哋坐低嘅時候已經見到有啲客人捧住個肚走。晚上黃金時間全場爆滿。食物款式十分豐富，坐低就可以自由地寫點菜紙啦！刺身、壽司、冷盤小食、鉄板燒、燒物、日式料理、炸物及甜品。打頭炮的是 七彩繽紛的刺身拼盤，賣相擺盤都好靚喎！刺身入口新鮮鮮味，有我最愛的元貝，鮮甜彈牙。肥美的三文魚、爽脆的赤貝，入口柔軟的油甘魚。品嚐過刺身之後就到今晚嘅重頭戲鐵板燒，仲竟然有貴價嘅羊架，可惜我唔食樣啦！食咗白肉先，泰式雞扒 肉嫩多汁，泰式醬汁辣得出色，大家都食得好滋味！跟住生薑豚肉燒、牛肉薄燒都好味到冇得彈！我哋食完一碟又一碟忍唔住要再encore。牛油燒扇貝肉質嫩滑，彈牙爽口燒到好惹味。好少店會咁大方任食燒鰻魚，今晚真係食得招積，肥美肉厚的鰻魚口感十足，滋味無窮。鐵板師傅更加大力推薦燒菠蘿，果然外層焦香，入口多汁又鮮甜美味到不得了
鉄人大盛 餐廳在格蘭中心地庫，平時行過真係會睇漏眼，落到地庫原來另有天地，環境落落大方，我哋仲安排到坐鐵板吧枱，可以望住師傅展示一下身手晚市鐡板燒放題任食都係三百幾蚊，大概可以食2小時，我哋坐低嘅時候已經見到有啲客人捧住個肚走。晚上黃金時間全場爆滿。食物款式十分豐富，坐低就可以自由地寫點菜紙啦！刺身、壽司、冷盤小食、鉄板燒、燒物、日式料理、炸物及甜品。
打頭炮的是 七彩繽紛的刺身拼盤，賣相擺盤都好靚喎！刺身入口新鮮鮮味，有我最愛的元貝，鮮甜彈牙。肥美的三文魚、爽脆的赤貝，入口柔軟的油甘魚。
品嚐過刺身之後就到今晚嘅重頭戲鐵板燒，仲竟然有貴價嘅羊架，可惜我唔食樣啦！
食咗白肉先，泰式雞扒 肉嫩多汁，泰式醬汁辣得出色，大家都食得好滋味！
跟住生薑豚肉燒、牛肉薄燒都好味到冇得彈！我哋食完一碟又一碟忍唔住要再encore。
牛油燒扇貝肉質嫩滑，彈牙爽口燒到好惹味。
好少店會咁大方任食燒鰻魚，今晚真係食得招積，肥美肉厚的鰻魚口感十足，滋味無窮。
鐵板師傅更加大力推薦燒菠蘿，果然外層焦香，入口多汁又鮮甜美味到不得了。
連壽司我都唔放過，一於食番兩件過吓口癮，唔知有冇火炙左口魚裙邊呢！
食到差不多了，就到雪櫃自取喜愛飲品，食完咁多熱氣野，飲冰涼嘅汽水最爽！
最後仲可以以甜品作完美總結，最令我意想不到嘅係一杯杯 哈根大師 雪糕任食。減肥都係食咗先講啦！
张贴
