澳門仔火鍋串燒專門店 (已結業)

前兩日去朗豪坊行街shopping， 行到肚餓就去咗附近一間叫做“澳門仔火鍋串燒專門店”嗰度食晚飯，呢間餐廳有任食火鍋或者小菜選擇，我哋就選擇咗海鮮任食火鍋。任食火鍋分咗三個價錢，我哋就選擇咗包括有花膠雞湯做火鍋湯底嘅款式，而且仲包一個八種海鮮材料嘅海鮮盤，未開始火鍋之前就記得一定要嘗試佢嘅湯底，湯底由花膠雞 螺頭等等材料煲成，冇加味精。跟住就離一個有8種材料嘅海鮮盤，有蟹、蝦、魷魚、扇貝、花甲、蟶子等等， 雖然份量唔算多，但係海鮮食落算新鮮，蝦肉新鮮彈牙，原隻扇貝好味，但係蟹嘅質素就一般。呢個價錢仲包埋一碟安格斯肥牛，雪花肥牛脂肪分佈得好均勻，而且加上花膠雞湯底，肥牛嘅味道好。另外就有唔同嘅肉類同海鮮等等嘅任點任食火鍋配料，我哋食完個海鮮盤、肥牛加埋花膠都已經開始覺得有啲飽，所以配料只係點咗幾樣例如響鈴、肥牛、羊、蝦滑等等食材。另外要提一提，如果喺facebook like and share 呢間餐廳的話每人可以有半隻乳鴿贈送，乳鴿即叫即炸，味道香口好食，以呢個價錢可以食到海鮮，又有火鍋同乳鴿，而且汽水啤酒係任飲，十分超值， 最後我哋見到有雀巢雪糕食，但係我哋已經飽到冇位置可以再