SAVVY

喺kk日搶到尖沙咀呢間自助餐嘅買一送一，兩位埋單$892，賣點係長腳蟹皇帝蟹任食！🦀SAVVY位於尖沙咀海港城內太子酒店，佔地超過8,000平方尺，地方好大，食物擺位唔逼夾，而坐位都算係寬闊，沙發好好坐！用餐時間由六點半到十點，足足三個半鐘頭，時間充裕，唔使食到趕頭趕命可以慢慢享受🥂由於食物款式眾多，我挑一d出黎講下啦！皇帝蟹🦀呢個根本重中之重！我就係為佢而嚟食！酒店好貼心，預先已經切好哂一碌碌，我唔使花好多時間氣力去拆蟹，一口一蟹肉！好爽！鮮美多水！鹹度適中，乜都唔使蘸已經好好食！食咗好多超滿足！長腳蟹 🦵🏻都好食，不過蟹腳要自己拆，輸咗比勁方便嘅皇帝蟹！刺身🐙推薦三文魚，油甘魚，帶子，新鮮鮮甜！自製珍多冰 💚有紅豆、珍多、涼粉、椰奶自己DIY，質素同喺泰國舖叫嘅一樣！所有材料都好好食！明知好飽肚我都忍不住整咗兩大杯！香煎鴨肝多士 🪿師傅即場鐵板煎，鴨肝香軟綿口，唔好錯過！日式鮑魚 🦪醬油煎香，非常入味，鮑魚肉質煙韌好𡁻，齒頰留香熱葷就樣樣都好味，夾乜都水準以上，無一樣試到係伏！尤其推薦蒸魚非常美味🐟飲品方面係任飲嘅🍵☕🥤有果汁、檸檬水、咖啡奶茶，選擇多，不過就無汽水啦員工服務態度非