平昌

营业中

休息中

旺角兆萬中心係出名嘅劣食之都，但係凡事總有例外，而平昌就係其中一間有質素嘅飲食。餐廳環境闊落，我一向覺得呢種任食嘅韓式餐廳衛生環境唔會太好，始終比較多油煙。任食有分兩種等級，一種平少少嘅大君御膳，另一種係貴少少嘅世子御膳，而貴啲嘅世子御膳可以選擇大君御膳餐牌嘅所有食物。今次我同朋友就揀咗貴少少嘅世子御膳。由於食物選擇非常多，我同朋友都揀到一枱都係。因為世子御膳嘅肉係比較靚，肉類方面我哋就主要揀世子餐牌。第一round揀咗牛前胸腹肉、牛肉眼、特汁豬梅肉，唔知係咪我哋火候掌握得唔好，燒牛嘅時候有少少過熟嘅情況，所以肉質比較韌，反而呢個豬梅肉真係軟冧到不得了，而且醬汁調味甜甜地，非常好食，最後我哋仲encore左！亦係所有肉類裏面嘅冠軍🏆韓式年糕，經典嘅街頭小食，好食！亦係最後有encore嘅食物。鵪鶉蛋都好食，個醬汁係甜甜地。呢個價錢呢個質素我收貨喎～建議大食嘅朋友嚟試一試。