影片
更多
2022-10-11
107 浏览
而家打邊爐自己比較著重牛嘅款式，其他配料例如菜、丸、腸等要求唔高，有少少就夠，所以同男朋友決定試下呢間有8款牛任食嘅火鍋店。我地BOOK左星期六晚6點半，上到去只有兩枱客人。不過當晚有唔少人Walk-in，但由於full booking，全部都食白果，所以如果要嚟嘅朋友仔，最好book左枱先。免費湯底中揀左沙嗲湯，好濃好香，淥完牛乜醬都唔點已經好夠味，即使食左兩個鐘都依然有沙嗲香。我自己幾中意呢度用鴛鴦煲，因為男友唔食菇，但我打邊爐一定會落菇，成日比佢嫌棄我d菇整臭個湯底😂，今次無呢個煩惱!!🤗職員首先會送上一盤共8款嘅牛，整體質素都唔差，即使係一級肥牛都唔會話肥到無肉食，不過明顯一級肥牛同安格斯牛肩胛份量最多，感覺食極都食唔完…..😅我個人覺得最好味嘅係澳洲和牛金錢展😋，食左3盤，3盤都好有牛香、肉淋；其次係澳洲M7和牛，有牛香，不過有1盤嘅肉質唔夠軟；封門柳都係有牛香，不過肉質明顯無和牛咁軟滑；牛脷雖然細細塊，但爽口；牛板腱我地都食左3盤，肉質雖然唔滑，但大大塊、啖啖肉；鮮牛就名乎其實好鮮，但無牛味。牛以外嘅邊爐配料可以係出面自助領取，包括同沙嗲湯底好夾嘅豆卜、炸支竹、秀珍菇、鮮冬
我地BOOK左星期六晚6點半，上到去只有兩枱客人。不過當晚有唔少人Walk-in，但由於full booking，全部都食白果，所以如果要嚟嘅朋友仔，最好book左枱先。
3 浏览
0 赞好
0 留言
免費湯底中揀左沙嗲湯，好濃好香，淥完牛乜醬都唔點已經好夠味，即使食左兩個鐘都依然有沙嗲香。我自己幾中意呢度用鴛鴦煲，因為男友唔食菇，但我打邊爐一定會落菇，成日比佢嫌棄我d菇整臭個湯底😂，今次無呢個煩惱!!🤗
24 浏览
0 赞好
0 留言
職員首先會送上一盤共8款嘅牛，整體質素都唔差，即使係一級肥牛都唔會話肥到無肉食，不過明顯一級肥牛同安格斯牛肩胛份量最多，感覺食極都食唔完…..😅
左起M7、金錢展、牛板腱
2 浏览
0 赞好
0 留言
我個人覺得最好味嘅係澳洲和牛金錢展😋，食左3盤，3盤都好有牛香、肉淋；其次係澳洲M7和牛，有牛香，不過有1盤嘅肉質唔夠軟；封門柳都係有牛香，不過肉質明顯無和牛咁軟滑；牛脷雖然細細塊，但爽口；牛板腱我地都食左3盤，肉質雖然唔滑，但大大塊、啖啖肉；鮮牛就名乎其實好鮮，但無牛味。
牛以外嘅邊爐配料可以係出面自助領取，包括同沙嗲湯底好夾嘅豆卜、炸支竹、秀珍菇、鮮冬菇、金菇、另外仲有白蘿蔔、萵筍、幾款丸腸類，我有食牛柏葉、鵝腸、蝦、青口。自取食物質素一般，我都係重點食牛🙊。
雪糕係大阪牛乳，我第一次食呢個牌子，居然有伯爵茶同豆腐呢兩款少見口味😯，前者茶味好出。不過我麻麻地呢個牌子嘅雪糕，一嚟甜左D，二嚟個質地好似土耳其雪糕，黏稠度高，我唔中意呢個口感🙉。
星期六另加$13，計埋醬料費、加一後，人均$268；任食澳洲和牛兩小時，牛肉上枱速度夠快，唔會拖時間，呢個價錢、呢個質素，可以試下。
张贴
