梨滿園韓國料理 (已結業)

係旺角覓食，上網睇下有咩食就見到呢間餐廳有好吸引既炸雞放題！自己係炸雞控再加上好耐無食韓國野，一見到就決定試下呢間韓國餐廳。佢有兩款放題可以揀，一款係120分鐘任食拉絲芝士雞同90分鐘任食炸雞，兩個價錢都差唔多唔係好貴。我地最後叫左個90分鐘炸雞同幾款韓食。首先上左熱人參雞湯，佢每張臺都有個爐，一大煲雞湯放上爐到煲滾勁吸引，湯入面有兩大舊雞肉，飲落去好暖好舒服，湯唔會太鹹清清地雞湯味，甜甜地忍唔住一碗又一碗甘飲，最鍾意佢入面有d糯米軟軟地同個湯好夾同埋索曬d湯味。另外湯入面既兩大舊雞本身以爲落去煲湯應該好“孩”， 點知雞肉完全唔孩連埋雞皮食好食。之後就上左芝士拉絲豬手，豬手分量勁多芝士熱辣辣圍住曬所有豬手，店員細心甘提醒我地要趁熱撈黎食，佢d芝士真係好拉絲，好厚一條芝士拉到勁長都未斷，包住豬手一啖食落去勁滿足。豬手一塊塊好淋好香口，配埋芝士好邪惡但成個口感有肉香加埋芝士鹹鹹地口感好滿足。之後上左芝士紫菜蛋卷， 上面鋪住番茄醬好吸引，一樣係有拉絲既芝士，覺得個蛋卷真係好特別，食過好多款蛋卷但未食過入面包紫菜同芝士，估唔到原來好夾，出面外層蛋同紫菜一咬就短但入面既芝士令成個口感好有層次，成