一鍋豐 (已結業)

我己經好耐無來過任飲任食嘅打邊爐了，因為九成都係伏的，未食呢間之前我嘅任飲任食邊爐只有油麻地嘅花園酒家，今日比我發掘到呢間性價比極高嘅任食邊爐！先講環境，整體地方好大，而且乾淨（乾淨好重要，最怕打邊爐地方油臨臨！），我地坐卡位都好闊坐得舒服。湯底叫咗藥膳雞煲，藥材味好濃，湯底本身亦有唔少雞件一齊煲，雖然個湯睇落好油，但係個啲係雞油，並非唔討好嘅油益味，只要撇咗去成個湯底就好清好順口。打邊爐套餐有好多款，今次我地叫咗個象拔蚌海鮮火鍋套餐，淨係個海鮮盤已經好impressed我！有幾何打邊爐嘅海鮮係新鮮，爽口，唔霉？呢度每款都好食，淨係睇呢個蘭花蚌都好啖啖肉。另外必食嘅係花膠！一定要叫花膠，啖啖骨膠原，而且唔腥，配合藥膳雞湯底就好夾。打邊爐其實來來去去都係食個啲，所以其餘嘅食材就唔細數了。平日我打邊爐都唔點醬，但係佢個秘製辣椒醬好惹味！帶有豆瓣醬嘅甜味，亦都有麻油花椒油嘅香（我估計，畢竟係秘製，其實睇唔出究竟落左啲咩入去），重點係夠辣！而三度令我impressed嘅係呢度嘅飲品同雪糕選擇竟然有咁多，單係啤酒已經有四個options，而且有雪糕機比客人任擠再加toppings，雖然話甜品飲品