影片
更多
2023-02-17
108 浏览
原來假日午市食最貴嘅澳洲極上和牛套餐都係$218一位，都唔算貴，湯底我哋揀咗#台中蒜頭雞鍋，入面有巨量蒜頭再加半隻雞，食到咁上下一定要食幾粒蒜頭 ，放入口輕輕一咬即刻變咗蒜蓉咁，勁好食。 😍最特別都係加咗一杯#強波酸啤 ($68)，果香同小麥味混合埋一齊非常容易入口，呢款啤酒仲榮獲2022《AIBA 澳洲國際啤酒大賽》金牌 同2022《IBC 國際啤酒競賽》銅牌，非常架勢😝。牛肉除咗「#澳洲極上和牛」個兩款之外，仲試埋次一級嘅「#美國特級安格斯」牛板腱，食落都唔差😳：🐮#SRF美國黑牛後腿肉 (期間限定)▪️牛味最濃😋▪️外表雪花唔算密，肉質較為煙韌🐮#澳洲和牛M5牛肩卷▪️同後腿肉相比，牛肩卷相對嫩滑得多▪️油脂分佈比例平均，食幾碟都唔膩😝🐮#安格斯特選牛板腱▪️雖然係次一級但對於佢嘅質素都有啲驚喜▪️表面有小小雪花都叫做肥瘦均勻🐷#西班牙豬五花片▪️切得好薄好快熟，反而因為咁唔鞋口🤣🐔#花雕酒雞件▪️咁啱拎到髀位，煮耐咗都仲係好滑▪️有微微酒香，唔算濃烈🐮#牛媽秘制滷牛筋▪️嚟到一定要即刻放落個煲度，需要一段時間去煮▪️可能我地淥得唔夠耐，未夠腍偏向單牙嘅質感🥹🦑#蟹籽墨汁漿▪️墨魚嘅味道好出，幾彈牙🐟#
原來假日午市食最貴嘅澳洲極上和牛套餐都係$218一位，都唔算貴，湯底我哋揀咗#台中蒜頭雞鍋，入面有巨量蒜頭再加半隻雞，食到咁上下一定要食幾粒蒜頭 ，放入口輕輕一咬即刻變咗蒜蓉咁，勁好食。 😍
最特別都係加咗一杯#強波酸啤 ($68)，果香同小麥味混合埋一齊非常容易入口，呢款啤酒仲榮獲2022《AIBA 澳洲國際啤酒大賽》金牌 同2022《IBC 國際啤酒競賽》銅牌，非常架勢😝。
牛肉除咗「#澳洲極上和牛」個兩款之外，仲試埋次一級嘅「#美國特級安格斯」牛板腱，食落都唔差😳：
🐮#SRF美國黑牛後腿肉 (期間限定)
▪️牛味最濃😋
▪️外表雪花唔算密，肉質較為煙韌
🐮#澳洲和牛M5牛肩卷
▪️同後腿肉相比，牛肩卷相對嫩滑得多
▪️油脂分佈比例平均，食幾碟都唔膩😝
🐮#安格斯特選牛板腱
▪️雖然係次一級但對於佢嘅質素都有啲驚喜
▪️表面有小小雪花都叫做肥瘦均勻
🐷#西班牙豬五花片
▪️切得好薄好快熟，反而因為咁唔鞋口🤣
🐔#花雕酒雞件
▪️咁啱拎到髀位，煮耐咗都仲係好滑
▪️有微微酒香，唔算濃烈
🐮#牛媽秘制滷牛筋
▪️嚟到一定要即刻放落個煲度，需要一段時間去煮
▪️可能我地淥得唔夠耐，未夠腍偏向單牙嘅質感🥹
🦑#蟹籽墨汁漿
▪️墨魚嘅味道好出，幾彈牙
🐟#干貝鮮魚漿
▪️有干貝絲喺魚漿上面，食落覺得有啲軟淋淋
🐙#章魚珍珠漿
▪️有一粒粒嘅章魚，比較爽口
🦆#私房鴨血
▪️鴨血煮完唔會散，非常嫩滑
▪️(誇張法)滑到一吸就可以成舊啜入口😙
🐽#真豬小香腸
▪️勁多汁有油香🤩，一碗大概有三四片
▪️呢個小食我叫咗三四次，甜甜地又有少少臘腸嘅口感
🐔#士林鹽酥雞 (辣)
▪️一碗大概有三四粒
▪️外皮香脆，有少少似小酥肉
總括然而，我覺得堂食嘅食物款式都幾多，元朗分店環境仲冇咁逼夾，擺放配料嘅位置全部都好乾淨企理✨，特別係娃娃菜好新鮮👍🏻，食物都會有蓋冚住。醬料亦有好多唔同選擇，眼見有十幾款，真係點乜都得😆。另外仲有雪糕同多款嘢飲，我自己最鍾意就係#冷泡茶，特別係#桂花烏龍，清清地無糖解膩一流。
张贴
