牛站(駅)麻辣火鍋放題

营业中

休息中

對上一次食打邊爐都有一個月，今次約埋朋友一齊嚟到牛站食任食火鍋，平時食放題2個鐘就好快完，呢間牛站放題唔同中午食4個鐘，真係想坐幾耐都得。湯底方面有🔟款選擇，我哋揀咗鴛鴦鍋（金湯花膠鍋+香辣沙嗲鍋）肉類方面點咗呢幾款，牛肉色澤均勻，肉質好有咬口，食落好濃嘅牛味，質素唔差。美國極黑和牛片SRF美國特級肩胛肉眼美國安格斯牛板腱火鍋配料種類好多，有丸類、蔬菜、菇類、麵類等等比你慢慢揀。另外仲有自助區有小食、炸物、涼拌小菜、甜品區、雪糕區、酒類，各式各樣飲品，咁多嘢食真係未打邊爐已經開始食飽咗🤣。整體嚟講價錢唔算貴，仲可以食4個鐘真係好抵食，食物嘅質素唔差，種類好多，同一大班朋友嚟食就最啱，可以每樣都試到，下次會帶埋屋企人嚟食呢間火鍋放題。