日日涮 (已結業)

估唔到美孚廣場都有任食火窩的餐廳！餐廳面積都好幾大，座位寬趟舒服，唔會好逼狹。我同朋友叫做美國牛小排套餐，湯底有成6款可以揀，其中包括：昆布、豬骨、壽喜燒、麻辣、豆乳、蕃茄等。我地就點左蕃茄同麻辣湯。好快店員就為我地送上湯底，四川麻辣的辣度適中不會太辣，而蕃茄較為清甜。我地的升級套餐會有海鮮拼盤！而且加多50蚊仲可以任點日式食物、同刺生。感覺就係食緊加高質打邊爐。海鮮拼盤的海鮮包括：龍蝦、蟶子、扇貝、青口、鮑魚、奄仔蟹同蠔。其中龍蝦同奄仔蟹的蟹膏蝦膏都非常多！！龍蝦肉結實彈牙，啖啖都係肉。而貝類的蟶子、扇貝則非常大隻鮮甜。鮑魚生猛新鮮，口感軟霖又有口感。净係呢個海鮮拼盤都已經值回票價。美國牛小排肉質鬆軟，而且油脂平均，不會太肥膩！質素不錯呀而已肉味也夠濃除左食物之外，餐廳仲有好多飲料，甜品同雪糕等都係任食的。飲料櫃連啤酒、韓式飲品、同枝裝飲品等全部都係任飲！真係包食到飽一鮑先走。