蝦蝦燒 (已結業)

成日聽到人講流水蝦，一直都好想去試下，今次終於有機會去到荃灣見識下流水蝦究竟係點樣，呢間餐廳地方都好大，座位既隔離放左蝦缸係到，可以好方便就夾到蝦黎燒。職員首先會同你解釋燒流水蝦既流程，要先拎枱上面既鐵桶出去拎水同冰，再係蝦缸到夾你想要既蝦，你會發現一放個夾落去，d蝦就會走曬埋黎，好容易就夾到出黎，再將佢放入冰桶到凍暈佢，小心d要睇下係咪暈左先好開始燒啊！吾係彈上黎就好易整親自己！大頭蝦頭非常多膏，食落鮮味十足，蝦肉好新鮮彈牙，有d個肚到仲有蝦籽添。食完蝦就出去拎海鮮，海鮮種類多到你估吾到，而且仲係任夾添，有生蠔、扇貝、大蜆、鮑魚、黃花魚等，扇貝同鮑魚都好大隻，出面有自助醬料區，有蒜蓉、辣椒、蔥、牛油等，我地自制左蒜蓉粉絲扇貝，真係新鮮又好味！我地都係主坆食海鮮，任食真係好爽！食夠海鮮後，再出去拎串燒，串燒種類真係多不勝數，有雞串、豬頸肉、雞皮、豬大腸、雞翼、魷魚、漢堡扒、蔬菜類等等，多達三十幾款，連蒜蓉包同窩夫都有，我地仲自製雪糕窩夫做甜品。如果懶吾想燒既，可以食自助區既熟食，有咖喱魚蛋、蟹蓋、花螺、牛腩、麻辣椒鹽蝦等，但我地食得太飽無拎黎試喇！總括而言，$338有得玩又有得任食海鮮