樂天大喜屋 (已結業)

去大喜屋食任食放題，質素唔錯，價錢$228/2小時任食。姫松茸烏雞老火湯 足料任飲，係秋季潤燥必備湯水炙燒左口魚裙邊壽司 入口即融既左口魚裙邊，油脂味香濃，一直係我最愛既壽司之選，真係食唔停口炙燒芝士帝王蟹棒壽司，甜甜既帝王蟹棒配上燒到半溶既香濃芝士，味道昇華天婦羅有炸蝦，南瓜，一口甜紫薯，香脆可口，炸粉唔厚，一啲都唔膩，平時成日想食既小紫薯，通常要去食放題or串燒先有，今次就滿足晒我既願望鍋物有蟹粥同雪花肥牛壽喜燒，蟹粥非常鮮甜，真係有成隻蟹，重點係有好多蟹膏，令個粥更濃海鮮味香蒜蜜糖一字骨 一字骨用煲上，keep住熱辣辣既感覺，加咗蜜糖甜甜地，好有bbq風味串燒就有牛舌，雞翼，雞軟骨，菠蘿，雞髀菇，仲有好多，紀錄唔晒，全部都燒到香脆，又唔會好乾，菠蘿多汁，又甜又開胃，食完可以再叫多啲野蒜蓉粉絲蒸扇貝 加咗好多炸蒜蓉，粉絲吸哂帶子同蒜蓉味刺身拼盤，象拔蚌牡丹蝦甜蝦帶子三文魚油甘魚鯛魚北寄貝，平時鐘意食既都有齊晒，三文魚刺身好厚切，口感好好，甜蝦牡丹蝦都好大隻同新鮮甜品放題，呢度既甜品細細杯，啱晒想試勻咁多口味既我，試過鐘意就再攞，一啲都唔浪費，唔少得既當然係hagendaz同move