影片
更多
2021-11-03
2932 浏览
任食放題話說早幾日一收工就同左Katy 去食放題，今次去咗旺角彌敦道726號到食放題，個名叫做堅韓牛。埋單$656 ，平均每個人$328。呢間餐廳嘅款式種類都多元化，有海鮮、有肉類、有前菜、有熟食、有韓式湯、韓式飯、韓式粉絲等等………而且呢間餐廳嘅牛都好新鮮，口感脂肪分布均勻，食落口唔會覺得好硬，而且仲有好濃郁嘅牛燒香。呢間餐廳嘅前菜、炸物，都係熱辣辣嘅，唔會凍。其中芝士雞翼我覺得幾好食，裏面冇骨頭，咬落去啖啖肉，而且芝士味好香。韓式炒年糕都唔錯，咬落去煙韌煙韌，又唔會太辣，比起糯米糍再硬身一啲，好有口感十足。韓式炸雞都好大件，外皮炸到好香脆，炸漿完全包住成隻雞件，炸到成隻雞又大件又脆卜卜。煎泡菜餃子都唔錯，啲餃子皮好薄，一口食一件，Size啱啱好。另外呢間餐廳嘅五花肉我覺得都好好食，肥瘦均勻，一層脂肪，一層豬肉，煎嘅時間耐少少，煎到啱啱好金黃色，唔單止將脂肪煎左出嚟，而且仲令到五花肉好香口，成件食落口都唔會覺得好肥膩，而且仲有追住想再食嘅感覺。呢間餐廳仲有其他嘅韓式雞肉，雞中翼，辣雞翼，廚師腸，芝士腸，蟹柳等等可以選擇。海鮮我就叫咗海蝦，魷魚翼，帶子 ，魚塊。海蝦都好新鮮，啲肉食落去
話說早幾日一收工就同左Katy 去食放題，今次去咗旺角彌敦道726號到食放題，個名叫做堅韓牛。埋單$656 ，平均每個人$328。呢間餐廳嘅款式種類都多元化，有海鮮、有肉類、有前菜、有熟食、有韓式湯、韓式飯、韓式粉絲等等………而且呢間餐廳嘅牛都好新鮮，口感脂肪分布均勻，食落口唔會覺得好硬，而且仲有好濃郁嘅牛燒香。
呢間餐廳嘅前菜、炸物，都係熱辣辣嘅，唔會凍。其中芝士雞翼我覺得幾好食，裏面冇骨頭，咬落去啖啖肉，而且芝士味好香。韓式炒年糕都唔錯，咬落去煙韌煙韌，又唔會太辣，比起糯米糍再硬身一啲，好有口感十足。韓式炸雞都好大件，外皮炸到好香脆，炸漿完全包住成隻雞件，炸到成隻雞又大件又脆卜卜。煎泡菜餃子都唔錯，啲餃子皮好薄，一口食一件，Size啱啱好。
另外呢間餐廳嘅五花肉我覺得都好好食，肥瘦均勻，一層脂肪，一層豬肉，煎嘅時間耐少少，煎到啱啱好金黃色，唔單止將脂肪煎左出嚟，而且仲令到五花肉好香口，成件食落口都唔會覺得好肥膩，而且仲有追住想再食嘅感覺。呢間餐廳仲有其他嘅韓式雞肉，雞中翼，辣雞翼，廚師腸，芝士腸，蟹柳等等可以選擇。
海鮮我就叫咗海蝦，魷魚翼，帶子 ，魚塊。海蝦都好新鮮，啲肉食落去好有彈性。魷魚翼稍為燒一燒，就已經好香口，而且口感十足。
蔬菜類都食咗唔少 ，其中有翠玉瓜，金菇，菠蘿，節瓜，茄子，雞髀菇，呢幾款我食得最多，哈哈。慢慢煎煎煎，等啲香味出晒嚟先至食，食多啲都唔怕，因為覺得話晒係蔬菜類，哈哈。
最後我想講呢間餐廳嘅韓式雞肉石鍋飯都唔錯，平時我去食放題就好少叫炒飯或者炒麵呢啲咁飽肚嘅嘢食。不過今次去到呢間餐廳見前菜都咁熱辣辣，而且其他蔬菜同海鮮都新鮮，所以一於試吓呢間餐廳嘅石鍋飯。結果味道賣相同埋口感都好滿意 ，尤其是係其中嘅雞肉 ，好惹味。石鍋飯同埋泡菜嘅配合 ，少少辣辣地，食落去己有口感，而且仲好開胃醒神。
张贴
