海鍋手工涮涮鍋 (已結業)

打邊爐不嬲都係我同朋友既聚會之選，基本上無人提出意見既話都係去打邊爐架啦
今次黎左尖沙咀呢間海鍋，食物多選擇之餘仲要幾高質
餐廳空間夠大，坐得好舒服，亦都唔會嘈到傾唔到計

每人一份主菜，有龍蝦、鮑魚、沙白蜆、黑毛豬、手切肥牛等等
另外仲有十款配料，加$50就可以無限追加，都算幾抵

海鮮質素幾靚仔，龍蝦鮑魚新鮮彈牙，龍蝦仲有膏添

手切肥牛同黑毛豬肉質鬆軟無筋，肉味豐富，來貨幾好喎，唔係俾啲垃圾肥牛俾你扮上等貨
至於其他配料都幾好，松露爵士丸係值得一試既