燒蝦哈 (已結業)

去過泰國嘅朋友，都一定試過任食大頭蝦，最近喺香港都有啦，唔使特登飛去泰國咁遠食。俾我哋搵到一間喺元朗嘅任燒大頭蝦餐廳，除咗大頭蝦之外，佢哋仲有各款嘅肉類、丸類同蔬菜都係任食，雖然喺元朗，但係其實錦上路站再行10分鐘左右就到，所以唔算好難搵。佢哋嘅形式好似喺泰國咁，有個大水缸可以自助夾新鮮生猛嘅大頭蝦，隻隻都扎扎跳，餐廳會提供冰桶，先將新鮮嘅大頭蝦放入去凍暈佢，再剪去佢嘅蘇，隻隻大頭蝦都好多膏，淨係食蝦都可以食到回本，怕食蝦食到悶仲可以燒烤肉類等等。