影片
更多
2020-03-26
135 浏览
過往任食類型嘅都係放題同火鍋為主，日式燒肉都係第一次，以往對佢嘅印象都係好多肉好似唔多健康、唔精緻咁，今次有信任嘅朋友請（二人聚會xd ）就試一次，結果令我喜出望外以為食肉嘅地方就好男人味？呢度係和風日式傳統feel，環境都好靚，呢段期間相信大家都好關注餐廳嘅空間問題，因為唔想同其他食客太近，所以呢呢度都安排左八人枱只係坐左右最盡嗰兩邊，務求令到大家嘅空間比較闊落亦都食得安全啲。價錢好清楚，一目了然，真係一口價，兩個人以上仲有龍蝦送，質素都唔錯。凍食即刻食得啦，好快手已經送到。呢度嘅刺身有分兩種，一種呢自選好似拼盤咁樣嘅，選擇呢就冇放題店咁多但係質素都好好，而且擺盤都好有心思架。至於零一種就係每日款式都唔同嘅胸圍刺身，就算你問店員佢都答你唔到係邊款㗎，你當係一個新驚喜啦！望真啲仲有海膽添呀！帶子同埋八爪魚特別鮮味，尤其是八爪魚，真係有啲鮮甜嘅味道，唔似平時出面嗰種淨係不斷要咬又冇乜味。下一輪就係重點啦，淨係牛都有分咁多種，而且設成一小薰咁樣上，每一個種類仲有專屬嘅名牌擺咗喺上面俾你去分辨，望落去真係好精緻，亦都感受到店家嘅用心。我覺得呢個方法最好嘅就係俾你分辨到自己食咗乜嘢，又可以見到
以為食肉嘅地方就好男人味？呢度係和風日式傳統feel，環境都好靚，呢段期間相信大家都好關注餐廳嘅空間問題，因為唔想同其他食客太近，所以呢呢度都安排左八人枱只係坐左右最盡嗰兩邊，務求令到大家嘅空間比較闊落亦都食得安全啲。
價錢好清楚，一目了然，真係一口價，兩個人以上仲有龍蝦送，質素都唔錯。
凍食即刻食得啦，好快手已經送到。
呢度嘅刺身有分兩種，一種呢自選好似拼盤咁樣嘅，選擇呢就冇放題店咁多但係質素都好好，而且擺盤都好有心思架。至於零一種就係每日款式都唔同嘅胸圍刺身，就算你問店員佢都答你唔到係邊款㗎，你當係一個新驚喜啦！
望真啲仲有海膽添呀！帶子同埋八爪魚特別鮮味，尤其是八爪魚，真係有啲鮮甜嘅味道，唔似平時出面嗰種淨係不斷要咬又冇乜味。
下一輪就係重點啦，淨係牛都有分咁多種，而且設成一小薰咁樣上，每一個種類仲有專屬嘅名牌擺咗喺上面俾你去分辨，望落去真係好精緻，亦都感受到店家嘅用心。
我覺得呢個方法最好嘅就係俾你分辨到自己食咗乜嘢，又可以見到邊一種肉嘅脂肪比例比較適合自己，方便加單嘅時候可以選擇最愛嘅食物。
我就特別鍾意牛胸腹，脂肪唔多之餘，牛尾亦都非常之濃郁。特別之選就係骨付雞肉腸，平時嘅雞肉腸都係比較鹹，係一啲攪碎咗食唔出係雞肉嘅肉，但係呢隻雞肉腸竟然係有一支骨㗎，而且肉質亦都係比較嫩唔會太鹹，就唔似一啲比較差嘅品質啦。
配料方面，由於我同埋朋友都覺得肉質本身就幾好，所以都唔特登用太多味道調味，我哋就最喜歡用呢隻喜馬拉雅粉紅鹽，令到肉汁嘅鮮味更加突出之餘，亦都能夠保存原汁原味。成本都唔低㗎，真係喺呢啲細緻位度都見到有誠意！
另一個重點就係甜品啦！冇諗過食日式燒肉都有咁多款咁高質嘅甜品選擇架，朋友出到去見到可以任食任拎都覺得特別興奮。
雪糕有三四個品牌可以選擇， m、d之外仲有一啲平時喺街上面比較少見嘅品牌，例如有榴槤雪糕呀！ ！ ！
口感好滑，非常之香濃，真係好滿足呀。榴槤控推介榴槤波波
仲有好多泡芙同埋小蛋糕，不過驚食到太飽冇試過啦，咩都留返比其他人再評論啦。
服務我都會比好高分，因為店員好細心，喺入咗之前已經比一張大嘅紙巾提醒你專係用嚟放口罩，燒嘅中途亦都會幫手調教其他嘢，執碟亦都好快。
张贴
