Wingman (已結業)

我其實都幾鍾意食雞翼，見到呢間餐廳係專做雞翼放題，所以都幾有興趣嚟試吓。上到嚟原來唔單止食物吸引，連環境都好正，周圍都係打卡位。可以見到佢哋嘅雞翼19種，唔同嘅任食套餐有唔同種類嘅雞翼揀。另外，其實佢除咗雞翼之外仲有其他嘢食，所以仲有一個任食plan係所有嘢都食得，包括小食，沙律同其他主食。但係因為我覺得自己冇咁大食，所以最後都係決定散叫，咁啱佢哋而家做緊漢堡包買一送一，咁抵食梗係要叫嚟試吓。佢有兩款雞包，一款辣一款唔辣，我就揀咗唔辣嗰一款。一切開見到佢塊雞扒都好厚肉，睇落已經覺得好吸引。食落嘅時候更加覺得雞扒超級Juicy，食完都飽咗三份一。雞翼方面我哋揀咗三隻味，分別有印度烤雞味，紐奧良香粉味同新加坡辣蟹味。其中佢呢個紐奧良香粉係會跟一個薄荷醬，佢呢個將係淡淡薄荷味，同少少辣辣地嘅紐奧良香粉又出奇地夾。另外佢個印度烤雞味都唔錯，加埋青檸汁仲好食。最重要嘅係佢呢度隻隻雞翼一咬開到好Juicy，啲雞肉全部都好嫩滑，有隻隻都大大隻，啱晒啲大胃王。另外仲見到佢有一個焗大啡菇，所以都叫咗嚟試吓。一切開隻菇都見到佢好厚肉，食女又係超級Juicy，完全唔會話焗到乾晒。