大將 (已結業)

又係去將軍澳搵嘢食嘅時候，今日就揀咗呢一間食放題嘅火鍋店～ 放題嘅套餐有幾款，有美國和牛、澳洲和牛、日本黑毛和牛、嚴選牛肩肉同嚴選牛腹肉。和牛嘅時間就係120分鐘，另外嗰兩款就係90分鐘放題。諗咗一陣我哋都係揀日本黑先和牛，其實仲可以加錢追加唔同嘅食物任食🤭湯底都有好幾款，有壽喜燒、花生沙嗲、蕃茄海老濃湯等等，我哋就揀咗甜甜地嘅黃金壽喜燒同埋香濃嘅花生沙嗲湯底。除咗黑毛和牛之外，其實呢個餐都可以叫唔同嘅牛肉類，例如肩胛肉美國牛肉等等，豚肉都有五花腩等等嘅部位仲有唔同嘅海鮮，包括青口同埋大蝦等等任食嘅食物都黎得幾快，肉類嘅質素高。自選區嘅食物都多款式，有唔同嘅丸類同埋蔬菜等等。最開心就係佢有一個醬料區，最鍾意就係自己混醬！熟食方面呢，估唔到竟然有炸雞，甜品又有窩夫，呢一餐真係食得好滿足