泰源獅城風味 (已結業)

旺角開左間新加坡菜，黎試一試佢既肉骨茶。位置方便，座位寬敞都坐得舒服。特選大排骨肉骨茶 $86肉骨茶本身份量夠大，重要無限添飲添。同一般藥膳味道唔同，呢個湯底胡椒味濃，飲落反而好似胡椒豬肚湯，帶微辣但易入口。排骨亦相當大舊，骨肉分明，肉質唔會un。套餐配埋油條更加飽。海南雞配油飯 $86雞肉頗嫩滑，滲出油香，點醬汁更惹味。馬來風光 $58原來係馬拉盞炒通菜，鑊氣夠，帶微辣且口感鮮嫩入味。套餐送飲品，叫左蜂蜜檸檬水，清潤解膩。