千海水產海鮮火鍋放題

今日我同朋友去咗荃灣嘅千海水產海鮮火鍋放題，3小時任食任撈嘅活海鮮，好爽呀！

一入去，氣氛已經好熱鬧，平日午市都座無虛席。我哋首先揀咗花膠湯底，再出去撈咗幾樣海鮮，鮮美嘅蝦、肥美嘅蟹、鮮嫩嘅鮑魚應有盡有。每一樣海鮮都係極度新鮮，特別係蝦，啖啖鮮甜多汁，咬落去嘅時候，蝦肉彈牙且厚實；蟹肉更係嫩滑，仲有我好鍾意食嘅厚切白鱔好正啊～

打邊爐仲有多款配料、飲品甜品款式多到你冇可能食得晒，哈！

仲有多款熟食，烤羊架、牛舌串燒、蒜蓉焗生蠔，真係好味；又有乳鴿外脆內軟多汁，還有各式各樣嘅冷盤小食，例如麻辣小龍蝦、口水雞 、蟹粥、烤榴槤、花雕豬手，而家天氣凍，仲有蛇羹㖭啊！

1