元朗正記茶餐廳 (已結業)

當一枝公去食野嘅時候真係好鐘意去茶記食野，事關係茶記會布好多志同道俠嘅一枝公隊友。雖然間餐廳叫元朗正記，但間餐廳其實係將軍澳嘅XD。起身有D遲，所以叫左個楊州炒飯($50)，頂左早餐加午餐。茶餐廳一向效率快，我個炒飯話咁快就上檯，呢個炒飯用左椰菜、叉燒、蝦仁、蛋同蔥花去炒，D飯炒得好乾身，D料都落得足嘅，少少泛油光，而調味咸度適中，係有鑊氣之作。奶茶見佢個色咁濃就知佢立頓茶包落得夠哂多，茶香味夠，唔錯嫁啦。 呢個價位食到個炒野，仲可以任坐唔嬲，算係抵食，同算係咁啦！