影片
更多
2004-03-19
42 浏览
早兩星期諗住同朋友上去紅勘國際都會食海南雞飯﹐但係原來因為BIRD FLU 所以暫停營業﹐真係可惜。結果漫無目的地漂浮﹐游下游下落到去商場入面﹐見到一間叫梁山泊的日本料理﹐門面睇落好似裝修得唔錯﹐最吸引就係做緊一小時壽司任叫任食﹐只係$69 位﹐兩位起仲送海膽刺身一板﹐心諗﹕如此抵食﹖一於試試。坐低迴轉壽司BAR檯位﹐見到有綠茶粉同熱水龍頭﹐即係要自己沖茶. 仲好﹐I LIKE IT。我地入場的時候未夠鐘下一場(因為係分時段的)﹐侍應姐姐叫我地等陣﹐唔可以食住﹐哦~ OK﹐無問題。一於拎張壽司ORDER 紙睇下有咩食先。基本上都係大路的壽司如三文金槍鰻魚甜蛋墨魚帶子稻荷八爪魚一類﹐都算好齊﹐當然貴價的壽司就無啦﹐如果有又$69 任食﹐一係就過期﹐一係就個老闆係傻佬。等到時間剛好開始﹐已經急不及待遞左張紙俾壽司師傅﹐年青的師傅握壽司的手法當然地唔算正宗﹐未用完的D壽司料仲會亂擺﹐不過算幾快手﹐有好有唔好﹐打個和。壽司味道可以話係超級...........市場水準。一輪急攻之下﹐個肚已經填滿6成﹐當其時只係入座後約20分鐘。正諗緊仲有D咩未食時﹐海膽刺身上檯. 一板的確係一板﹐塊板四隻角都
食海南雞飯﹐但係原來因為BIRD FLU 所以
暫停營業﹐真係可惜。結果漫無目的地
漂浮﹐游下游下落到去商場入面﹐見到一
間叫梁山泊的日本料理﹐門面睇落好似
裝修得唔錯﹐最吸引就係做緊一小時壽司
任叫任食﹐只係$69 位﹐兩位起仲送
海膽刺身一板﹐心諗﹕如此抵食﹖一於試試。
坐低迴轉壽司BAR檯位﹐見到有綠茶粉同
熱水龍頭﹐即係要自己沖茶. 仲好﹐I LIKE IT。
我地入場的時候未夠鐘下一場(因為係分
時段的)﹐侍應姐姐叫我地等陣﹐唔可以食住﹐
哦~ OK﹐無問題。一於拎張壽司ORDER 紙
睇下有咩食先。基本上都係大路的壽司如
三文金槍鰻魚甜蛋墨魚帶子稻荷八爪魚一類﹐
都算好齊﹐當然貴價的壽司就無啦﹐如果
有又$69 任食﹐一係就過期﹐一係就個老闆
係傻佬。等到時間剛好開始﹐已經急不及待
遞左張紙俾壽司師傅﹐年青的師傅握壽司的
手法當然地唔算正宗﹐未用完的D壽司料仲會
亂擺﹐不過算幾快手﹐有好有唔好﹐打個和。
壽司味道可以話係超級...........市場水準。
一輪急攻之下﹐個肚已經填滿6成﹐當其時只
係入座後約20分鐘。正諗緊仲有D咩未食時﹐
海膽刺身上檯. 一板的確係一板﹐塊板四隻角
都齊﹐唔係出面一般餐廳連板切開一半俾你。
但係。。呢度用的係迷你板﹐結果一板都係
同出面半板差唔多(可能仲要少D)....食落都
OK 啦~ 當然唔算好新鮮﹐但都仲食得入口。
見隔離檯個日本仔將呢板海膽當飯扒入口
就知道都唔係太差。
結果我地食多兩輪就已經捧住個肚﹐但隔離個
日本仔仲不停搏殺﹐梗係啦﹐$69 任食﹐等如
900YEN左右﹐係日本真係無咩可能900YEN有
壽司食放題。
埋單兩位連加一﹐跟平時我同朋友去元氣食
的價錢都差不多﹐可以做一個比較。論味道﹐
元氣當然地勝出﹐而呢度真係麻麻地好食﹐
但係勝在夠抵﹐絕對可以食個夠﹐飽死你都得。
去元氣食呢個價埋單通常都只係六至七分飽。
不過因為我都算幾夜先去(最後一場)
有兩點想提出﹕
1) 可能係最後一場﹐有唔少壽司款式都賣晒﹐
如果想食多幾款﹐要早少少去幫趁。
2) 壽司師傅只有兩人﹐應該唔夠應付繁忙時間
的單﹐如果早去比較多人﹐不妨揀多幾樣先
一次過落單﹐否則等多幾轉﹐未食完都夠鐘了。
另外見到有D職員好似有少少拗撬﹐氣氛似乎
麻麻﹐而服務都係一般過一般﹐唔受得氣的話
要有心理準備。我自己就睇價錢﹐呢個價錢﹐
無乜服務我都無話可說。
张贴