籠太子點心專門店

营业中

休息中

平時好少去太子，今日同朋友喺旺角行行下街行到去太子方向就搵下附近有咩嘢食。上網見到呢度有間食中式點心嘅就黎到籠太子啦。地方裝修到好似一般Cafe咁樣，環境舒適，但又食到傳統點心真係好開心呀！點菜嘅時候即刻比鮑魚燒賣吸引住，鮑魚鮮甜，另外推介嘅係蝦膠醸茄子同埋海皇芝士千絲卷！好脆好好味👌呢度全部點心都係十幾＄20真係好抵食。同埋見到門口寫住營業時間去到凌晨兩點鐘，夜晚想食點心做宵夜都可以過嚟食喎。