寿司大大 (已結業)

正當今日天氣炎熱, 想食得清淡啲之一瞬間,我嚟到FOOD COURT望到呢間壽司店, 我經店員介紹後, 點了一份叉燒湯烏冬+四件壽司($42),價錢是非常相宜。店員很有禮貌及細心問我喜歡食熟或生的壽司, 我點了蟹籽及甜蛋壽司。外賣紙袋幾精美。回到公司打開碗烏冬, 賣相不錯, 湯都OK, 而且烏冬好彈牙好滑,真係幾好食。叉燒亦都濃味,原本懷著無乜期望但今次都真係好有驚喜……... … 蟹籽及甜蛋壽司, 味道同出面街買嘅差不多,今次無驚喜,不過以呢個價錢又有烏冬食, 又過到食壽司癮, 真係在呢區比較難搵到。下次會再幫襯。