更多
2014-02-08
2867 浏览
虽则「放题」、「任食」对现代人嚟讲系非常吸引，不过人越大，胃就越嚟越细，所以对食物要求就越嚟越高。冬、春天气冻冻哋点少得一班朋友打边炉，而靓煲皇绝对系打边炉平靓正不二之选。地下有露天位，楼上有室内冷气位，就算打风落雨都可以食得舒舒服服。一坐低啊姐就会先送上 1 set 调味品，客人可自行挑选所需。靓煲皇其中一大特式就系极多汤底选择，单单系猪骨煲就经已有好几种，例如澳门猪骨煲、胡椒猪骨煲、日式麻辣猪骨煲、花胶海参猪骨煲、海鲜猪骨煲等等，亦都有花胶药善煲、花胶海参鸡煲一啲比较少见嘅汤底。澳门猪骨煲 例牌 $128 ，汤底非常足料，未落嘢食经已好多嘢食，包括猪筒骨、猪软骨、红萝白、白萝白、粟米同大葱，本身想叫碟白萝白，不过啊姐提醒我哋个煲入面经已有，好贴心！猪筒骨有劲多骨胶原，几受女士欢迎。靓煲皇另一特式就系「料靓」，基本上每样都好新鲜，同任食边炉无得比，而且计落都只系贵任食边炉少少，真系一试就翻唔到转头！手打鱼滑 $38 ，味道鲜甜，不过略嫌打得唔够起胶。手切肥牛 $138 ，第3贵嘅牛肉，虽然系贵啲，不过绝对物有所值，又系一食翻唔到转头。脆鲩片 $38 ，新鲜不过唔算太特出。鱼云 $38
一坐低啊姐就会先送上 1 set 调味品，客人可自行挑选所需。靓煲皇其中一大特式就系极多汤底选择，单单系猪骨煲就经已有好几种，例如澳门猪骨煲、胡椒猪骨煲、日式麻辣猪骨煲、花胶海参猪骨煲、海鲜猪骨煲等等，亦都有花胶药善煲、花胶海参鸡煲一啲比较少见嘅汤底。
澳门猪骨煲 例牌 $128 ，汤底非常足料，未落嘢食经已好多嘢食，包括猪筒骨、猪软骨、红萝白、白萝白、粟米同大葱，本身想叫碟白萝白，不过啊姐提醒我哋个煲入面经已有，好贴心！
猪筒骨有劲多骨胶原，几受女士欢迎。
靓煲皇另一特式就系「料靓」，基本上每样都好新鲜，同任食边炉无得比，而且计落都只系贵任食边炉少少，真系一试就翻唔到转头！手打鱼滑 $38 ，味道鲜甜，不过略嫌打得唔够起胶。
手切肥牛 $138 ，第3贵嘅牛肉，虽然系贵啲，不过绝对物有所值，又系一食翻唔到转头。
脆鲩片 $38 ，新鲜不过唔算太特出。
鱼云 $38 ，识食鱼一定会食，不过食𠮶时就比较麻烦。
珊瑚蚌 $58 ，每次嚟靓煲皇都要叫，非常鲜甜爽口！
白鳝片 $58 ，几款鱼入面就呢款最好食，叫完再叫！
白菜仔 $20 ，细细棵，鲜甜唔起渣，打边炉一流。
黄沙猪润 $28 ，感觉几新鲜，爽口，就算唔食内藏嘅朋友都赞。
什菜 $28 ，咩菜都有啲，人人唔使争。
张贴
