御品·千之味 (深水埗) (已結業)

朋友去完旅行后话好想食刺身，所以我就推介左黎呢间OPENRICE评论唔错、位于深水埗区既日式小店，晚餐有定食、散点、丼饭，价钱亦唔算贵。每款套餐中包含麻酱蟹子沙律、带子群边、味噌汤/饮品(可选汽水式乌龙茶)、甜品系雪米磁。沙律菜新鲜、群边爽口。我个人比较中意食寿司多过丼饭，所以点左个寿司餐 $108内有三文鱼、油甘鱼、鲷鱼、吞拿鱼、蟹子、熟虾、玉子、鳗鱼同大赤虾寿司共10件，另外仲有一件三文鱼吞拿鱼蓉手卷，食材丰富，份量足；全部鱼生都无解冻唔够既问题，亦无怪味或腥味，但欠缺鱼既鲜味。个人觉得味道唔差，但又唔能够叫好，只能够讲以$100既价钱食到11件寿司加手卷，非常抵食。朋友为刺身而来，所以点左个迷你吞拿鱼蓉丼刺身寿司餐 $128本身朋友对呢个价位既刺身无抱太高期望，殊不知味道唔错、每款都有鲜味、有惊喜!!水炙寿司同丼饭样子唔差，虽然我无试到，但朋友表示味道尚可。火龙卷 $65入口首先有脆卜卜既蟹子，之后试到脆口既天妇罗，虾味慢慢渗出黎，整体味道唔错，可以一试。估唔到豉油都有份刺身同寿司豉油两款，后者会甜D。