魚翅大排檔 (已結業)

上星期同屋企人去呢間食飯, 去得小菜館/大排檔, 正常都會提供茶壺同水兜俾客人方便洗餐具。不過呢間食肆冇提供茶壺同水兜, 一坐低只限每人一杯茶, 想叫人攞水兜倒水, 叫極人都冇人理一有人理嘅時候就話冇水兜, 有說話聽之餘仲發返我哋脾氣, 就係因為佢哋忙所以發我哋脾氣!!最離譜嘅係我屋企人有叫餐飲, 老人家都會想飲啖茶沖淡個口, 又係叫極人都冇人理, 終於有個所謂嘅經理定唔知老闆(總之就係高層)應我哋機但都係叫我哋:「等等!! 」我哋同佢講叫咗3次都冇人理，佢就用好重嘅語氣回應我哋:「唔爭在等多陣啦!!」嘩深深明白到咩叫上梁不正下梁歪!!!有咁嘅高層自然有咁嘅下屬, 呢餐飯真係食到背脊骨落雖然價錢係合理, 但食物質素一般, 服務態度更加唔洗講添啦, 簡直係貼錢買難受!!!!就當我哋黑仔撞正佢哋個個都心情差, 如果唔係而家有限聚令, 好難即時搵第2間食肆, 一開始真係選擇去第2間到食