肚餓了串燒烤焗專門店 (已結業)

 講起同朋友吹水飲酒，我都會諗起肚餓了呢間串燒店。近排佢地同一間香港既啤酒廠合作，出左一系列以周星馳電影為主題既啤酒！係咪好熟口面呢？黎肚餓了，有樣野我覺得呢度係整得最好食，係燒茄子！通常呢Ｄ瓜類串燒都麻麻地，但係呢度燒出黎有ＪＵＩＣＹ又香，軟軟綿綿，好正。仲有一樣就係燒鰻魚！鰻魚控無理由唔叫呢個，原條燒，燒好成條上，鐘意點食就點食！西京比目魚係我至愛，所以我都叫左，自己獨食！呢度都整得幾香。燒豬頸肉就無乜特別，純粹想食。餃子雞翼，我個ＦＤ話好正，但我就麻麻，我寧願留肚食其他　：Ｐ勁辣燒虎蝦，唔食得辣唔好試，會後悔！但好多汁，燒得岩岩好，唔會好乾。最後覺得唔夠飽，叫左個酥皮冬陰黑豚肉，好辣、好刺激、好好味！不過前提要食得辣，呢度個廚落辣唔手軟呀ＸＤ　但呢個非常惹味，食唔停！肚餓了都係老聚舊地方了，食物水準都仲ＫＥＥＰ到，唔錯，下次會再黎幫襯。