出於好奇, 今次同家人早幾日book 定檯去試下咩東東。
蟹仙係食蒸氣粥底火鍋,
今次叫左298套餐, 貪佢咩都有。
所以食物都會由店員幫手蒸, 計好哂時間, 唔會蒸到過哂龍 。
未蒸任何野前會先落粥底
今日的配料有南瓜粟米同豬骨 , 最後就會混合埋海鮮的精華。
成餐有兩樣野真係餐人一再回味
野生大黃奄,
呢隻蟹真係不得了, 大黃奄直接空運到店鋪,
每隻起碼兩斤重, 啲蟹膏勁爆多，食到個咀都被蟹膏滿滿地包圍。
綠色蟹膏軟滑, 金黃色是硬膏, 各有滋味。
蟹膏肥美之餘D 肉都鮮甜同啖啖肉, 令人回味無窮。
澳洲青年龍蝦
澳洲青年龍蝦的肉十分結實豐滿, 最種要係睇即劏即蒸, 保證新鮮。
蒸完出黎見到肉是非常新鮮白滑, 一吃下去彈牙爽口, 甜美非常,
令人難以忘記
慶南蠔
蠔蒸完出黎非常creamy, 時間剛剛好而不過火。
紐西蘭青口
青口正常, 雖然沒有很特出, 可能龍蝦和蟹也太新鮮了吧~
日本大元貝
大元貝超級正, 十分大隻,
多汁肉甜。
所有汁都可以倒進鍋底煲粥, 讓粥底更加鮮甜。
越南貴妃蚌
貴妃蚌大隻, 肉質夠鮮嫩肥美。
最重要係洗得乾淨, 而且蒸完仲有好多湯汁係番個殼到
深海龍躉片
魚皮滿是骨膠原蛋白,
魚味濃郁。
泰國海中蝦
一睇就知非常新鮮, 剛剛蒸好的蝦呈鮮橙色, 鮮甜無比
翡翠九孔鮑魚
鮑魚刷得乾淨,
爽口又彈牙
蔬菜籃
蔬菜籃有超甜粟米, 南瓜, 又有生菜同娃娃菜,
非常滿足。
南瓜豬骨粥底
最後就食埋鍋底的南瓜豬骨粥，
鍋底滿是所有海鮮的精華, 鮮甜美味, 加少少豬肉更能突顯粥底的豐富。
最後甜品四人同行既話仲有椰汁燉雪燕送,
非常滿足。
埋單每人3百幾蚊, 其實非常Okay,
可能係因為老闆係海鮮入口商, 入貨價低, 難怪難怪~~
