火狐爐端燒 (已結業)

平時去開呢邊都係排隊食附近嗰間人氣米線～排隊期間見到呢間火狐爐端燒其實都幾吸引～所以今次我就決定試吓呢間爐端燒～地方唔係好大～但坐位都唔算窄～有部大電視機，係播電影嘅，喺等食物嘅時候可以睇吓戲解悶～食物選擇都算多～我哋都揀咗好多嚟食～每款都叫啲，為求食盡想食嘅～豚肉車厘茄：車厘茄好水潤，一咬爆汁～蒜香雞軟骨：粒粒軟骨，唔會有啲成粒都係肉～雞翼：切開一半容易食，脆口好味厚燒玉子：熱辣辣，蘿蔔蓉淋上醬汁再鋪喺玉子上一齊食～中和返熱辣辣嘅玉子，唔會辣親嘴，感覺不錯～燒茄子：好林好入味～都係有蘿蔔蓉一齊食～牛仔骨：燒汁好好味，燒得啱啱好唔韌～大啡菇芝士燒：好濃芝士味，內裏好多菇汁好好味～豆腐唐揚：外脆內軟，好滑，醬油唔會蓋過豆腐味～芝士年糕：口感似日本大福，鹹鹹哋有點乾～豆乳牛肉鍋：淡淡嘅豆乳味，好多牛肉同菜，最底有啲粉絲，質感幾好～清清哋幾好味泡菜豚肉鍋：濃味啲，有泡菜味但唔係辣，豚肉唔錯同泡菜湯底好夾蟹膏海鮮炒飯：粒粒分明，聞到好香，有淡淡蟹膏味，尤魚同蝦大隻有肉感，爽口彈牙～呢餐唔覺唔覺又食到好飽，其實唔差～如果大家去開嗰邊，不妨試試呢間～