火鍋撚 (雲明行) (已結業)

夏天為大地帶嚟雨水，落住雨本身plan咗嘅燒烤郊遊無奈要被取消（其實A姐放咗隻雨天公仔喺屋企，佢祈求落雨就唔駛去行山喇，終俾佢願望成真）。其實，唔緊要啦，同A姐一齊做咩，我都好滿足！A姐提議去打邊爐，所以今日我哋就嚟到中環蘭桂芳嘅火鍋撚，為夏日加溫！媽媽滋補老火湯鍋媽媽滋補老火湯鍋經常會轉款，但同樣地都係真材實料！今日就用猴頭菇、紅蘿蔔、粟米、淮山、杞子、圓肉、紅棗、蜜棗、海底椰及雞煲成猴頭菇雞湯，湯底清甜，打邊爐前都飲咗唔少媽媽嘅精心出品，但略嫌雞皮較多，令湯底較油。極品安格斯肥牛火鍋又點少得肥牛呢，掛起咗嘅肥牛擺得好靚，加埋乾冰嘅煙霧效果，好迷幻！肥牛嘅油脂分佈平均，肉味香濃嫩滑，份量一啲都唔少。特級牛脷托牛脷托嘅口感一流，爽口彈牙，食唔停口。牛柏葉用上黑柏葉，輕輕一焯，留意黃金8秒，即刻食得。蜂巢豆腐索晒媽媽滋補老火湯精華嘅豆腐，一啖咬落去真係好滿足。皇帝菜皇帝菜新鮮爽脆，係我嘅打邊爐最愛菜類。杞子龍眼菊花蜜打邊爐飲番杯杞子龍眼菊花蜜，夠晒滋潤。腐竹沙冰超驚喜！腐竹沙冰夠晒清新，食完打邊爐後再食，夠晒消滯！重點係免費架！