影片
更多
2011-07-19
36 浏览
為左同細佬慶祝"有別具意義"的18歲生日, 幾經考慮終於揀左呢間餐廳, 參考左openrice的食評, 起初只係諗住試下, 點知一試就愛上了!!以"$300有找"o既價錢黎講, 食倒酒店級buffet, 仲有咁多食物選擇同質素, 算唔錯啦！! 環境舒適, 坐得好舒服!! 只係略嫌收碟唔夠快...有刺身, 北寄貝, 長腳蟹,翡翠螺, 鮑魚, 龍蝦仔, 海皇翅, 扇貝, 羊架, 牛仔骨, 黑辣煮花螺, 煮青口, 各類甜品....太多了...總之樣樣都好好味啦...我同屋企人到今日都仲回味緊, 唔洗好耐, 一定會再幫襯...以下係我的至愛推介: 三文魚刺身(厚切): 好肥美,好鮮味, 係任攞o既, 鍾意食幾多就夾幾多, 最憎其他地方, 搵個人企o係度, 每次只係俾得三兩塊, 搞到寫得唔盡興, 好似乞食咁...長腳蟹: 好大舊,好長身, 好似食雞比咁....係有鮮味的!!! 我之前試過其他地方, 係只得咸味o既.....扇貝: 白汁忌簾焗扇貝, 好鬼死香呀...正正正...見餐廳不斷refill, 我食左好多隻呀!!羊架: 未食過"唔蘇"的羊架, d肉好滑, 煎得好香, 生熟剛剛好, 又唔係
為左同細佬慶祝"有別具意義"的18歲生日, 幾經考慮終於揀左呢間餐廳, 參考左openrice的食評, 起初只係諗住試下, 點知一試就愛上了!!
以"$300有找"o既價錢黎講, 食倒酒店級buffet, 仲有咁多食物選擇同質素, 算唔錯啦！! 環境舒適, 坐得好舒服!! 只係略嫌收碟唔夠快...
有刺身, 北寄貝, 長腳蟹,翡翠螺, 鮑魚, 龍蝦仔, 海皇翅, 扇貝, 羊架, 牛仔骨, 黑辣煮花螺, 煮青口, 各類甜品....太多了...總之樣樣都好好味啦...我同屋企人到今日都仲回味緊, 唔洗好耐, 一定會再幫襯...
以下係我的至愛推介:
三文魚刺身(厚切): 好肥美,好鮮味, 係任攞o既, 鍾意食幾多就夾幾多, 最憎其他地方, 搵個人企o係度, 每次只係俾得三兩塊, 搞到寫得唔盡興, 好似乞食咁...
長腳蟹: 好大舊,好長身, 好似食雞比咁....係有鮮味的!!! 我之前試過其他地方, 係只得咸味o既.....
扇貝: 白汁忌簾焗扇貝, 好鬼死香呀...正正正...見餐廳不斷refill, 我食左好多隻呀!!
羊架: 未食過"唔蘇"的羊架, d肉好滑, 煎得好香, 生熟剛剛好, 又唔係太大舊, 我地每人都食左3,4舊呀....!!
牛仔骨: 整得勁香..yummy
甜品: 最好味就係"心太軟', 睇住d朱古力慢慢流出黎, 配埋個士多啤喱醬, 真係一絕, 我地一食就每人食左兩個....太正了...仲有朱古力噴泉...雪糕杯...
飲品: 蘋果汁,橙汁任飲, 咖啡奶茶任沖...
张贴
