TEA HUB (已結業)

新開張嘅店，環境舒服，坐得鬆動，最難得係樓底高，更加有空間感。講返最重要嘅當然係味道啦！首先佢地有輕食嘅包類，我暫時未試過，因為我係長期餓底！我每次都會點set, salad, 茶漬飯（可選茶漬麵或冷麵）；餸（可選兩款）：菇、蝦仁（另外有雞翼、豆腐可選）。而每一款餸都用茶呢「煮」嘅。茶嘅選擇方面，不得了！好多款選擇，仲要有詳細介紹每款茶嘅功用同注意地方（例如某d茶不宜孕婦飲用）。我最愛嘅係「桂花白茶」，最特別試過一款叫「薄荷博士朱古力茶」。蛋糕方面，每日都有好幾款選擇，無類質感、味道、甜度都剛剛好，必食！蛋糕款式不能係Menu搵到，要去cashier睇後面,或個雪櫃去揀。我決定每個禮拜都要試一款茶、蛋糕，唔知幾時先試完呢下個禮拜試蘋果茶先希望係主食方面，黎緊會再有更多選擇或會輪住轉下個menu啦。仲有要注意佢地嘅關門時間，暫時好似都係19:00，所以無得去食晚餐架。