更多
2013-09-15
379 浏览
估唔到我既第一篇食評, 會係"數"一間我只係第一次幫襯既舖頭 ... (一直都覺得就算唔啱胃口, 唔再去食就可以啦, 留返條後路俾人地啦~口味依啲嘢 ... 好個人既啫)事緣某日喺紅磡買咗燈籠, 考慮到放工時間人多車多, 唔想因為迫人而壓爛心愛既戰利品, 所以決定先解決晚餐, 避開人流。然後, 見到依間舖頭舖仔細細, 又冇靚靚裝修, 位處既地段旺中帶靜, 閒日開飯時間附近都有好多食肆小貓3,4隻, 唯獨你, 竟然接近滿座, 而最特別既地方, 係收費一啲都唔平, 仲要加一, 會唔會係一間有待被發掘既隠世小店嚟呢~?喺門口睇MENU睇價錢順便望吓入面個女仔食緊咩咁滋味既時候, 有另一個女仔都同我一樣觀察緊, 原本喺店內既姐姐主動行出嚟, 話可以外賣架喎, 跟住個女仔就入咗去 ...... 見到個女仔睇咗一陣就去馬, 有番少少信心, 咁我都堂食啦。 拎住一個咁大既燈籠, WAITRESS指示我坐最入既BAR枱位 (因為間舖真係好細, 長條形, 一邊係OPEN KITCHEN, 另一邊有3X2張雙人枱, 2張BAR枱 (門口係落地玻璃打橫放咗一張BAR枱, 最入既BAR枱左邊就係雜物房同埋洗手
事緣某日喺紅磡買咗燈籠, 考慮到放工時間人多車多, 唔想因為迫人而壓爛心愛既戰利品, 所以決定先解決晚餐, 避開人流。然後, 見到依間舖頭舖仔細細, 又冇靚靚裝修, 位處既地段旺中帶靜, 閒日開飯時間附近都有好多食肆小貓3,4隻, 唯獨你, 竟然接近滿座, 而最特別既地方, 係收費一啲都唔平, 仲要加一, 會唔會係一間有待被發掘既隠世小店嚟呢~?
喺門口睇MENU睇價錢順便望吓入面個女仔食緊咩咁滋味既時候, 有另一個女仔都同我一樣觀察緊, 原本喺店內既姐姐主動行出嚟, 話可以外賣架喎, 跟住個女仔就入咗去 ...... 見到個女仔睇咗一陣就去馬, 有番少少信心, 咁我都堂食啦。
拎住一個咁大既燈籠, WAITRESS指示我坐最入既BAR枱位 (因為間舖真係好細, 長條形, 一邊係OPEN KITCHEN, 另一邊有3X2張雙人枱, 2張BAR枱 (門口係落地玻璃打橫放咗一張BAR枱, 最入既BAR枱左邊就係雜物房同埋洗手間), 仲主動叫我放啲嘢係隔離既椅上面, 話冇人會行過, 唔駛怕會阻到人 (抵讚位之一!!)。
坐低咗, 選擇困難症發作, 又睇吓其他人食咩參考吓先~ 係睇唔到既, 因為附近既枱都係啱啱坐低ORDER緊... 既然嚟到, 擇個中價既DINNER SET應該幾保險, 於是我擇咗香草海鮮黑松露意大利麵, 餐飲熱薄荷朱古力咖啡 HOT MINT MOCHA (平日例飲既熱檸水同黑松露唔係好夾, 不如試下特別少少既咖啡啦, 諗緊MINT LATTE定MINT MOCHA邊樣好, 但聽到隔離枱冇仔細諗就叫MINT MOCHA, 好, 照跟) (抵讚位之二!! 我諗咗咁耐都冇人催我)。 .............
結論, 依間舖, 服務一流, 不過咁既地區咁既出品唔值依個價, 味道方面絶對有需要改善。
张贴