影片
更多
2017-06-11
523 浏览
原本我地係去深水埗另一間餐廳，點知星期四都限1.5小時用餐時間，所以組員建議黎「太子嗰度」。以為好難搵，其實係太子站D出口行唔洗兩分鐘就到，個門口都幾易認。去到既時候朋友們已經到咗，但只有我地一枱(當時已經七點鐘)，心裡有啲擔心中伏。餐廳環境其實唔錯，坐得好舒服。後來才發現原來呢個餐廳係新開，可能未有太多人發現。我地走既時候都開始有幾枱客。等齊人之後，我地就叫嘢食。本來我地諗住叫PIZZA，點知老闆話：「今日BURGER同PIZZA都無供應，不如睇吓其他啦。」咁我地改為叫三文魚籽鱈魚南瓜醬意大利飯，點知。。。另一個人(我地估係老闆個仔，負責廚房)行出黎話：「對唔住，無三文魚籽。」我地又開始擔心。咁我地再叫貼係牆上既另一款菜式(已經唔記得係咩)。佢又話：「呢款都無，係午餐餐牌。」於是我地決定放棄自己揀，叫佢反建議。其實叫樣樣都無係幾失望，不過老闆同老闆仔態度非常殷勤親切，所以都OK。最後我地揀咗二人餐再加另外兩款野食。雖然成功叫咗嘢食，不過難免仍有啲擔心食物質素。首先上是日餐湯。一上枱即刻覺得成件事唔係想像之中咁差。淨係睇佢地碟湯都咁用心襯碟，就知佢地唔係hea做。係南瓜忌廉湯，濃淡度適
去到既時候朋友們已經到咗，但只有我地一枱(當時已經七點鐘)，心裡有啲擔心中伏。餐廳環境其實唔錯，坐得好舒服。後來才發現原來呢個餐廳係新開，可能未有太多人發現。我地走既時候都開始有幾枱客。
等齊人之後，我地就叫嘢食。本來我地諗住叫PIZZA，點知老闆話：「今日BURGER同PIZZA都無供應，不如睇吓其他啦。」咁我地改為叫三文魚籽鱈魚南瓜醬意大利飯，點知。。。另一個人(我地估係老闆個仔，負責廚房)行出黎話：「對唔住，無三文魚籽。」我地又開始擔心。咁我地再叫貼係牆上既另一款菜式(已經唔記得係咩)。佢又話：「呢款都無，係午餐餐牌。」於是我地決定放棄自己揀，叫佢反建議。其實叫樣樣都無係幾失望，不過老闆同老闆仔態度非常殷勤親切，所以都OK。最後我地揀咗二人餐再加另外兩款野食。雖然成功叫咗嘢食，不過難免仍有啲擔心食物質素。
首先上是日餐湯。一上枱即刻覺得成件事唔係想像之中咁差。淨係睇佢地碟湯都咁用心襯碟，就知佢地唔係hea做。係南瓜忌廉湯，濃淡度適中，味道鮮味，溫度微熱，剛好入口。(大家都知凍咗既忌廉湯唔多吸引架啦！)
是日餐湯 - 南瓜湯
14 浏览
0 赞好
0 留言
跟住上廚師精選頭盤沙律，最初唔知一粒粒係咩，食落先發現原來係元貝(即帶子類)，好易嘴嚼。沙律菜則配意大利醋，好醒胃。食到呢度，大家既擔心全消。
廚師精選頭盤沙律──意大利醋元貝沙律
23 浏览
0 赞好
0 留言
再上鹽燒大虎蝦伴帆立貝墨魚汁意大利飯，好味唔太膩。
鹽燒大虎蝦伴帆立貝墨魚汁飯
$92
13 浏览
0 赞好
0 留言
煙三文魚有機菠菜汁扁意粉，味道唔錯。好欣賞佢地每碟都會用心襯碟，即刻令果碟菜式唔同晒。有時食物好味都要靠色、香襯托。
煙三文魚有機菠菜汁扁意粉
$82
20 浏览
0 赞好
0 留言
燒澳洲穀飼T骨牛扒，六成熟，我自己本人就覺得稍為遜色，但我見朋友都好鍾意食。
燒澳洲穀飼T骨牛扒
$168
5 浏览
0 赞好
0 留言
我反而鍾意呢個慢烤西班牙黑毛豬背肋配原味BBQ醬。肉燒得剛剛好，唔會太乾，食落又唔韌，配埋BBQ醬，真係好好食。唔好以為啲薯條係配菜就係行貨。啲薯條係上枱後隔咗一陣我先食，點知咬落去外面唔會腍晒，裡面仲有煙出，一啲都唔會凍冰冰，即刻覺得啲薯條好好食。通常食到最後剩番都係配菜，但當日啲薯條一條都無剩。
慢烤西班牙黑毛豬背肋‧原味BBQ醬
$128
18 浏览
0 赞好
0 留言
最後上是日甜品(係二人餐一部份)──火龍果。返黎睇到其他POST既甜品真係一般既甜品，我就有啲失望。不過算啦，我地四個人食切粒既火龍果比較容易啲share，而且賣相都唔差丫。
是日甜品
20 浏览
0 赞好
0 留言
返到屋企再睇清楚，佢地將燒澳洲穀飼T骨牛扒(價錢比較貴)計入二人餐，並無從中收多我地錢。呢間小店做生意做到咁老實，真係要多啲支持。比起連鎖餐廳，小店係會有比較多突發情況，無呢樣食材，無果樣食材，就係咁啲料先係新鮮，唔會擺好耐。我鍾意每間小店既獨特味道(包埋人情味，當然有時有機會中伏)，但總好過千篇一律既商業味。
张贴
