當入到舖內感覺到有少少日本氣息(起碼店員用日文招呼)，地方不大以日本風格裝修再加Hello Kitty 作裝飾(吸引到好多慕名而來既人)。好喇，到正題~看看餐牌先(款式不多)很快就選好拉麵(黑油拉麵&白蝦拉麵)全名當然唔係咁叫
，拉麵煮得唔算耐5-10分鐘左右，食拉麵(兩款)當然先試湯底......
比想像中無咁好味......仲要咸左少少，咁至於拉麵就彈牙，如果鍾意食淋淋地既拉麵會無咁鍾意(可能有得要求我唔知)，叉燒方面唔夠味要改善一下(或者太咸食唔到叉燒香味)，其他配菜不過不失......食方面就覺得麻麻地.....
環境方面位唔會太迫，感覺唔錯。
另外選麵碗有兩款，個人認為無咩分別.....
最後美中不足有樣野；唔係用茶杯同綠茶招待客方覺得係無咁好......
