影片
更多
2022-09-20
32 浏览
有日收工想打邊爐，但又唔想食限時個種要就住就住，上OPR搵到呢間高質火鍋店！一入到餐廳周圍都係打卡點，有好大個霓虹燈招牌，感覺好似返咗70年代嘅黃金香港咁，而且座位闊落，地方又乾淨，坐得非常舒服👍🏻嗰日星期日去食都有八折，一問之下，原來星期日至星期四九點後都有八折，即刻覺得好抵玩，於是一個唔小心叫咗好多餸😂首先叫咗個最近好Hit嘅潮式花甲，辣椒芫荽再加魚露醃住啲凍花甲，識落好清新同開胃，做頭盤啱啱好~然後我叫咗雞煲翅湯底，本身諗住都係啲雞粉味精溝出嚟嘅味，點知個湯底一上枱嘅時候嚇親。。。竟然有兩大碗足料嘅花膠雞，然後侍應會幫你煲熱個湯底，然後兜一碗湯俾你飲咗個原汁原味先，個湯底好鮮甜，屋企煲嘅都冇咁好飲。。。但值得一讚嘅係佢有好多平時好少見嘅火鍋料，最鍾意食啲麻甩佬嘢嘅我叫咗魚卜、牛骨髓同埋牛胸爽，價錢抵食唔再講，每樣都食得出好新鮮，而且處理得好好，一啲異味都冇。牛肉嗰啲就中上水準，不過不失，但價錢打咗個八折來講都真係幾抵食🤟🏻整體來講，環境舒服，食物高質，價錢抵食，一定會再encore！
一入到餐廳周圍都係打卡點，有好大個霓虹燈招牌，感覺好似返咗70年代嘅黃金香港咁，而且座位闊落，地方又乾淨，坐得非常舒服👍🏻
嗰日星期日去食都有八折，一問之下，原來星期日至星期四九點後都有八折，即刻覺得好抵玩，於是一個唔小心叫咗好多餸😂
首先叫咗個最近好Hit嘅潮式花甲，辣椒芫荽再加魚露醃住啲凍花甲，識落好清新同開胃，做頭盤啱啱好~
然後我叫咗雞煲翅湯底，本身諗住都係啲雞粉味精溝出嚟嘅味，點知個湯底一上枱嘅時候嚇親。。。竟然有兩大碗足料嘅花膠雞，然後侍應會幫你煲熱個湯底，然後兜一碗湯俾你飲咗個原汁原味先，個湯底好鮮甜，屋企煲嘅都冇咁好飲。。。
但值得一讚嘅係佢有好多平時好少見嘅火鍋料，最鍾意食啲麻甩佬嘢嘅我叫咗魚卜、牛骨髓同埋牛胸爽，價錢抵食唔再講，每樣都食得出好新鮮，而且處理得好好，一啲異味都冇。牛肉嗰啲就中上水準，不過不失，但價錢打咗個八折來講都真係幾抵食🤟🏻
整體來講，環境舒服，食物高質，價錢抵食，一定會再encore！
张贴
