影片
更多
2023-11-03
721 浏览
🌟餐廳：粉制良品📍地址：深水埗桂林街143H號地下F3號舖💰價位：～$50 ⏰營業時間：星期一至日08:00 - 23:00放工嚟到深水埗尋寶，形形式式嘅食店應有盡有～朋友仔就介紹我嚟呢一間「粉制良品」，主打全人手製作，老闆以大米現磨手工筲箕河粉，真材實料，小店誠意十足，即刻捧吓場先！———————————————————🔹魚肉燒賣燒賣蒸既火喉剛剛好，有口感之餘又帶點煙韌，加埋老闆自家調制既足料辣椒油，食落零舍惹味！———————————————————🔹咖哩魚蛋咖喱魚蛋嘅醬汁夠濃郁又香辣，魚蛋結實有質感，食得好過癮～———————————————————🔹牛腩豉油皇撈麵 加 紅油菜脯呢款牛腩豉油皇撈麵，亦係店主招牌之一！撈麵嘅麵質彈牙，加入豉油炒製，色香味俱全，牛腩油老闆自家炆製，採用筋腩部位，有嚼勁、層次感十足，而且份量豐富，飽肚又抵食！加埋老闆自家醃製紅油菜脯，微微辣又脆口，值得一試！———————————————————🔹手撕雞筲箕河粉 加 青瓜絲主角出場！老闆將大米以人手石磨粉漿，大火蒸制後，熱辣辣將河粉刮出，河粉晶瑩通透，口感十分嫩滑，好正，配搭手撕雞肉及青瓜絲，食落層次感
📍地址：深水埗桂林街143H號地下F3號舖
💰價位：～$50
⏰營業時間：星期一至日08:00 - 23:00
放工嚟到深水埗尋寶，形形式式嘅食店應有盡有～朋友仔就介紹我嚟呢一間「粉制良品」，主打全人手製作，老闆以大米現磨手工筲箕河粉，真材實料，小店誠意十足，即刻捧吓場先！
———————————————————
🔹魚肉燒賣
燒賣蒸既火喉剛剛好，有口感之餘又帶點煙韌，加埋老闆自家調制既足料辣椒油，食落零舍惹味！
———————————————————
🔹咖哩魚蛋
咖喱魚蛋嘅醬汁夠濃郁又香辣，魚蛋結實有質感，食得好過癮～
———————————————————
🔹牛腩豉油皇撈麵 加 紅油菜脯
呢款牛腩豉油皇撈麵，亦係店主招牌之一！
撈麵嘅麵質彈牙，加入豉油炒製，色香味俱全，牛腩油老闆自家炆製，採用筋腩部位，有嚼勁、層次感十足，而且份量豐富，飽肚又抵食！加埋老闆自家醃製紅油菜脯，微微辣又脆口，值得一試！
———————————————————
🔹手撕雞筲箕河粉 加 青瓜絲
主角出場！老闆將大米以人手石磨粉漿，大火蒸制後，熱辣辣將河粉刮出，河粉晶瑩通透，口感十分嫩滑，好正，配搭手撕雞肉及青瓜絲，食落層次感十足～重點係個醬油，老闆自家調製醬油加入乾蔥蒜頭等配料炒製而成，醬油味道香濃，加入滑滑嘅河粉入邊一齊食，鮮味十足！
———————————————————
🔹現磨豆漿
最後當然要試埋自家現磨豆漿，微微甜，豆味濃郁，不愧為新鮮製作，大推～
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
小店以手工石磨河粉為主打菜式，老闆親力親為，製作過程繁複，為食客即制熱辣辣又香噴噴嘅手工河粉，誠意十足～
餐廳旁邊亦設少量位置，方便附近街坊過嚟一嘗特色手工小食，無論堂食或外賣，啱晒喺附近掃完貨嘅朋友仔過嚟嘆返份特色河粉～
———————————————————
张贴
