黃枝記粥麵店 (已結業)

蟹肉伊麵：成碗都無粒蟹肉（以前係第二間食過都唔係咁），味道麻麻；魷魚豬手：豬手夠焾，魷魚普通（無咩特別）；北菇生菜：冬菇夠焾入味（無咩特別）；薑荵撈麵：薑荵夠多，但麵唔好食，又成舊咁上枱剪都唔剪，叫人點食呀？！凍菊花蜜：唔好飲。從來都好少幫親商場食店，因為怕人多等位蹝時間，今晚見行完街夜咗少少於是決定試吓喺商場食，就咁就去咗沙田新城市廣場黃枝記（因為唔洗等位）。點知入去一坐低個女待應就企係我地則邊催落單，我話兩個人得一個餐牌點樣即刻叫到嘢食呀？！佢至識得走去攞多一個餐牌（而且間舖都無咩人，比多個餐牌啲客用都咁計較），真係比佢漲。到我點菜時個相信係高級啲既伙記，好無禮貌又好唔滿意咁同我落單，攪到我好麻煩佢阻佢收工咁。最重要既係我食咗三分一既時候（個口仲咬緊啲麵時），佢就攞張單過嚟叫我埋咗張單佢，然後就企咗係我地則邊等我比錢，伙記先生你咁樣做我一定比你（你都比少少時間我食埋個口裡面啲麵先呀），咁樣做法真係趕客，你要趕收工咪唔好接我地入嚟咯，接咗入嚟之後又催又趕咁叫客人落單同比錢，叫我再番嚟幫親真係唔洗旨意。最後真係想講多句，黃枝記再係咁落去真係唔得，以前機場啲伙記恰恰吓而另一間就好似唔憂做