嚟到見到個餐牌, set lunch 冇喇沙, 諗住問佢攞個主餐牌, 點都叫返一個嚟食, 點知個侍應話冇喇沙....唔係嘛, 成一點LUNCH時間居然冇喇沙, 咁仲叫咩馬來西亞餐廳呀.....唯有點返佢個餐牌上嘅嘢食, 我叫左個香茅雞扒炸蛋飯, 同事叫左個巴東牛肉飯
等左10分鐘左右食物就嚟到....巴東牛肉個樣奇醜, 深啡色嘅泥漿加好厚又韌嘅牛肉, 個汁有好重嘅椰糖味, 但另一方面又好辣, 可能個廚師加得太多辣, 所以想搵D甜嘢中和返, 結果將個巴東牛搞到好奇怪, 而個香茅雞扒炸蛋, 平平無奇, 完全冇香茅味, 最頂癮嘅係佢有蔥油加喺雞扒面扮香茅囉, 不過D蔥油好咸好咸....至於D雞扒, 都係雪雞扒啦, 冇咩好講...咋蛋個粉漿好薄, 又唔脆口....可能廚師都知唔好味, 所以有一碟豉油俾我撈飯
個餐包左一杯嘢飲, 我叫左咸柑桔蜜, 全個餐最正常都係呢杯嘢......
