到會熱點 (非門市)

营业中

休息中

平時屋企聚會鍾意叫薄餅店外賣，方便得嚟啲野食送到嚟都仲暖。今次屋企人喺FB見到哩間野啲相好靚，同埋聖誕節試過叫快餐店到會質素都ok，所以有興趣再試下其他到會服務。約咗7：00pm, 7：45pm先送到。到會咩叫到會？唔送上門，都唔係送到樓下，送到條邨嘅巴士站叫你去拎！人地薄餅舖疫情嚴重唔送上門，都送到樓下啦。我屋企人聽電話話佢覆好多order，全部都喺巴士站拎。啲野食部份係幾好食，賣相份量都ok，但我見呢個魷魚圈就好嬲，吉列蝦拼魷魚圈各6件，哩兜野我數唔到6個完整魷魚圈，個樣好似食淨咁，但係其實係剛剛打開。成件事個體驗都好差，以後唔會太想再試到會服務。