影片
更多
2021-08-19
1381 浏览
今日返半晝, 放工約好左去中環食LUNCH, 唸住之後去BAKEHOUSE買飯後甜品, 在行去BAKEHOUSE既途中, 經過呢間甜品店, 令我想起其實早係幾個月前有曾經想幫襯過, 但當日去到全部賣曬, 好誇張, 在烈日當空🌞的中午時份竟然賣到一件不剩, 之後就無左件事LU, 仲已經忘記左佢。 今日再經過, 再上網望下D食評, 全是好評👍, 再從門外望入去, 見仲有D貨剩, 決定買黎試下。入到去, 發現佢地只賣兩款甜品, 布丁燒同布丁, 相信布丁燒係佢地主打, 因為當日我地下午3點前到只係得返兩個同一款口味 - 抹茶🍵若竹布丁燒。令原來怕左布丁燒既我(因為呦呦鹿鳴布丁燒同滿月的不良好經驗)決定再挑戰🤨一次, 然後再經店員介紹買左一個玫瑰🌹荔枝布丁。抹茶若竹布丁燒 - 口感綿密既布丁配上濕潤軟綿既日式芝士蛋糕再加上一些焦糖漿作點綴, 甜而不漏。抹茶味道清新香醇, 這款抹茶的甘味和澀味兼具也平衡, 是一款高質素的抹茶。個人覺得芝士蛋糕味道可以再濃郁一些。玫瑰荔枝布丁 - 上層係荔枝味啫喱, 仲有原粒荔枝肉係入面, 下層係質感滑溜既布丁, 牛奶🥛味香濃, 啖啖真材實料, 就是食物天然的味道,
入到去, 發現佢地只賣兩款甜品, 布丁燒同布丁, 相信布丁燒係佢地主打, 因為當日我地下午3點前到只係得返兩個同一款口味 - 抹茶🍵若竹布丁燒。令原來怕左布丁燒既我(因為呦呦鹿鳴布丁燒同滿月的不良好經驗)決定再挑戰🤨一次, 然後再經店員介紹買左一個玫瑰🌹荔枝布丁。
抹茶若竹布丁燒 - 口感綿密既布丁配上濕潤軟綿既日式芝士蛋糕再加上一些焦糖漿作點綴, 甜而不漏。抹茶味道清新香醇, 這款抹茶的甘味和澀味兼具也平衡, 是一款高質素的抹茶。個人覺得芝士蛋糕味道可以再濃郁一些。
玫瑰荔枝布丁 - 上層係荔枝味啫喱, 仲有原粒荔枝肉係入面, 下層係質感滑溜既布丁, 牛奶🥛味香濃, 啖啖真材實料, 就是食物天然的味道, 是一款好味道又沒有負擔的甜品。
小確幸甜品的質素, 以$38一件黎講, 真心抵食, 記得有一次去銅鑼灣行街想買副太陽眼鏡😎, 我呢個甜品迷當然也不忘買返個甜品黎食, 首先到LIFETASTIC, 一件手掌咁大既蛋糕要差不多$80, 唸左一陣都係唔捨得買, 然後再到百味堂 , 同樣是手掌咁大既SIZE, 雖然比LIFETASTIC平, 也要差不多$50, 但份量係比LIFETASTIC少既, 因為佢件蛋糕扁起碼一半, 最後返左屋企食雪糕🍦。张贴
